Vuçiq u kërkon shqiptarëve t’i gjejnë në hartë vendet ku mendojnë se ka varreza

0

Një prej temave boshte të ndjeshme në mes të kryeministrit të Kosovës, Avdullah Hoti, dhe presidentit të Serbisë, Aleksander Vucic, ka qenë edhe tema e të zhdukurve gjatë luftës së fundit.

Rreth asaj se çfarë kanë diskutuar për këtë çështje, ka dhënë detaje vetë kreu i shtetit serb. Ai ka thënë se Serbia është e gatshme që t’i përgjigjet çfarëdo kërkese të palës kosovare sa i përket të zhdukurve.

Vucic me cinizëm ka thënë se kosovarët duhet të tregojnë për lokacionet se ku mendojnë që mund të ketë varre të shqiptarëve, dhe se në bashkëpunim me Bashkimin Evropian do të gërmojnë për të parë nëse në ato lokacione do të ketë diçka.

“Ne thamë që jemi të gatshëm t’i përgjigjemi çdo kërkese të shqiptarëve, kudo që ata mund të tregojnë në hartë një vend ku mendojnë se ka ndonjë varr të shqiptarëve, dhe ne jemi të gatshëm të punojmë me ta dhe në prani të evropianëve për të treguar nëse ka diçka në ato vende ose jo”, ka thënë Aleksander Vucic.

Por ish-ministri për propagandë i Sllobodan Millosheviqit thotë se kanë kërkuar të njejtën të drejtë edhe për Serbinë.

Vucic ka thënë se Hoti ka kërkuar që të hapen të gjitha arkivat e ushtrisë dhe policisë së Serbisë dhe se një kërkese të tillë i është kundërpërgjigjur duke kërkuar hapjen e të gjitha arkivave dhe dosjeve të UÇK’se.

“Shqiptarët kërkuan që të hapen të gjitha arkivat ushtarake dhe policore. Ne kërkuam që të hapen arkivat e UÇK’së, në mënyrë që të shohim se ku u vranë serbët dhe jo-shqiptrarët tjerë”, ka thënë Vucic.

Presidenti serb teksa ka folur për këtë temë ka përmendur Kosharen dhe Istogun si dy lokacione që sipas tij nuk i është lejuar Serbisë deri më tani të ketë qasje.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.