Shumica e shqiptarëve nuk ikin dot për pushime…

0

64% e shqiptarëve nuk bëjnë dot as një javë pushime larg nga shtëpia. Rezultatet kanë dalë nga një anketë e Këshillit të Kooperimit Rajonal, i cili i nxjerr shqiptarët si popullin me pamundësitë më të mëdha për të paguar faturat mujore të dritave dhe ujit, për të paguar qiranë, për të siguruar ushqimet e nevojshme, ngrohjen e shtëpive dhe për të kaluar pushimet një javë jashtë vendit.

Anketa është bërë edhe në 5 vende të tjera të rajonit, si Serbia, Bosnja, Kosova, Maqedonia dhe Mali i Zi. Anketa gjithashtu tregonte se: 26% e shqiptarëve nuk kanë mundësi të paguajnë ujin, dritat dhe qiratë; 16% e shqiptarëve janë në pamundësi për të paguar huanë.

Gati gjysma e shqiptarëve janë të privuar nga i ngrohti në banesë. Ekspertja e ekonomisë, Dorela Beqaj, ishte e ftuar mëngjesin e sotëm në “Wake Up”, ku u shpreh se më shumë se frika nga koronavirusi faktor është se ata nuk kanë më para të kursyera pasi dhe ato pak kursime i kanë shpenzuar gjatë karantinës.

“Tani shqiptarët më shumë se asnjëherë kanë nevojë të punojnë dhe jo të pushojnë” tha Beqaj. Sipas ekspertes së ekonomisë këtë vit pushimet e shqiptarëve do të jenë vetëm fundjavat.

Ndërkohë, pyetjes “A jeni përballur me paaftësi për të përballuar të paktën një javë pushime larg nga shtëpia (nëse doni) gjatë 12 muajve të kaluar”, rreth 645 e shqiptarëve i janë përgjigjur Po, që sërish është përqindja më e lartë në rajon.

Në përgjithësi, për këtë pyetje, të gjithë vendet e rajonit kanë shprehur pamundësinë për të bërë pushime, ku pas Shqipërisë renditet Mali i Zi (48%), Maqedonia e Veriut (46%), Serbia (40%), Bosnjë-Hercegovina (35%).

Në rajon, më lehtë i përballojnë pushimet shtetasit nga Kosova, me vetëm 28% të totalit, që pohojnë që nuk bëjnë dot pushime. Kosova ka si destinacion kryesor për të kaluar pushime Shqipërinë.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.