Partnerët e koalicionit takohen larg medias për temën e dialogut…

0

Liderët e tri partive politike në koalicionin qeverisës ne Kosovë janë takuar pasditen e së enjtes në njërin nga hotelet e Prishtinës.

Ky takim që ishte planifikuar të zhvillohej larg syrit te mediave, vjen pas kritikave të hapura që Ramush Haradinaj ka për Kryeministrin Avdullah Hoti rreth dialogut dhe mos përfaqësimit të AAK-së në tavolinën e Brukselit.

Por, kur doli nga takimi vet Haradinaj foli shumë shkurt, ndërsa tregoi se ai ishte nismëtar i kësaj mbledhjeje.

“Takimin e kam ftuar unë dhe besoj ka qenë takim i dobishëm”, u shpreh Haradinaj

Por, pas takimit, në emër të koalicionit foli lideri i Nismës, Fatmir Limaj. Ai tha se temë e këtij takimi ka qenë dialogu Kosovë-Serbi.

“Nuk duhet të humbet ky moment i rëndësishëm”, tha Fatmir Limaj – lider i Nismës Socialdemokrate.

Në pyetjen se a janë zgjidhur mosmarrëveshjet mes LDK-së she AAK-së për këtë temë, Limaj tha se janë në rrugë të drejtë rreth konsolidimit për hapat e mëtejshëm.

“Nuk ka mospajtime, ka nevojë  për koordinim më të ngushtë, qartësi në agjendë dhe parapërgatitje profesionale dhe politike”, u shpreh z. Limaj.

Ai tha se për temën e Presidentit nuk është diskutuar dhe paralajmëroi se një takim tjetër do të zhvillohet pas kthimit të kryeministrit Avdullah Hoti nga Brukseli.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.