Kakavija e Kapshtica të mbyllura 22:00-06:00, nuk lejohet qëndrimi gjatë këtij orari në kufi

0

Ministria për Evropën dhe Punët e Jashtme kujton të gjithë qytetarët që pikat e kalimit në kufirin Kakavijë dhe në Kapshticë do të jenë të mbyllura nga pala greke për udhëtarët dhe automjetet si në hyrje edhe në dalje të Greqisë gjatë fashës së orarit 22:00-06:00, deri në një njoftim të dytë.

Ministria u bën thirrje qytetarëve që të shmangin lëvizjet dhe udhëtimet gjatë këtij orari kur kufiri është i mbyllur, sepse nuk do të lejohen që të parkojnë apo qëndrojnë në territorin doganor e kufitar. Gjithashtu kujton se duke nisur nga data 16 gusht 2020, shtetasit që hyjnë në Greqi nëpërmjet pikave të Kalimit të kufirit Kakavijë dhe të kufirit Kapshticë, do të karatinohen për 7 ditë.

Hyrja në Greqi lejohet vetëm për shtetasit grekë, shtetasit shqiptarë e të huaj me leje qëndrimi greke dhe minoritarë me kartën përkatese. Shtetasit e BE-së apo shtetasit me leje qëndrimi në vendet e BE-së dhe vendet e treta nuk lejohen të hyjnë në Greqi nëpërmjet pikave të kalimit të kufirit Kakavijë dhe të kufirit Kapshticë.

Situata vijon të jetë problematike në pikën kufitare të Kakavijës, ku sipas burimeve, radha e makinave ka shkuar në 12 km.

Qytetarët po presin në radhë që prej ditës së djeshme, për shkak të masave të marra nga autoritetet greke me qëllim parandalimin e përhapjes së COVID-it.

Një prej tyre është bërja e tamponit, çka ka shkaktuar grumbullime të mëdha njerëzish, por edhe mbyllja e pikës kufitare gjatë natës. 

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.