GOMARË…

0

PO ME GOMARIN PSE KRUHENI ZOTRINJ?

Fejton

  • Mesazh për disa intelektualë që duke sharë tjetrin “gomar” e lavdërojnë atë.

Për mijëra vjet, Gomari ka ndihmuar njerëzimin pa u kursyer, mbase (thelluar në histori) falë urtësisë së tij është kafsha e parë familjare e zbutur…
E kush fshatar nuk e njeh këtë qenie të botës shtazore shndërruar në ndihmësin më besnik të njeriut në… plugime, prashitje, transport me karrocë, transport dru zjarri, barre për mulli, pse jo sot edhe shërbime në plazh, në guida turistike…
Gomarët janë kafshë mjaft inteligjente, pavarësisht keqkuptimit që është krijuar rreth tyre.
Në burime të njohura thuhet se:
Skeleti i gomarit është gjetur pranë qendrave të banuara nga njerëzit (vendbanimet Egjiptiane) rreth 4 mijë vjet më parë!
Një gomar mund të jetojë deri 50 vjet!
Gomari është disa herë më shumë i fuqishëm se një kalë apo mushkë me të njëjtën peshë trupore!
Gomari ka një kujtese të pabesueshme. Ai mund të mbajë mend vendet ku kanë qenë dhe gomarët e tjerë, për një periudhë prej 25 vitesh më parë!
Si rezultat i veshëve të gjatë, gomarët mund të dëgjojnë shumë herë më shumë se kuajt. Në shkretëtirë një gomar mund të dëgjojë thirrjen (pëllitjen) e gomarëve të tjerë, afërsisht në 100 km largësi.
Tek tufat me gomarë të egër, gomari që zgjidhet prijës i kopesë, i bën ballë çdo rreziku me vetëmohim për të mirën e kopesë. Nëse tufa e gomarëve sulmohet nga një tufë ujqish, prijësi i tyre do të qëndrojë dhe luftojë deri në vetëflijim për ti dhënë kohë tufës që të largohet në një vend të sigurt.
Këto dhe shumë merita të tjera kanë gomarët, miqtë shekullorë të njeriut…!
I përcolla këto në përgjigje të një debati (e të debateve) në median e shkruar dhe atë elektronike, në parla-ment e rrugë të disa njerëzve me “Dr.” para emrit, që kur nuk kanë tjetër të nxjerrin nga kungulli mbi trup, i bërtasin tjetrit me sa zë kanë në gurmaz…gomar!
E lexova sot edhe në një replikë të një “analisti” alias “tjerrës leshi mbi furkë pa bashkë” kur thërriste “Mos më krahasoni me gomarin”…
Ka plotësisht të drejtë. Autori i shkrimit, duke e cilësuar “gomar”, bën gabim, ia rrit vlerat, e lavdëron atë.
Ai nuk e meriton ta ngresh në lartësinë e kësaj qenie të urtë e të mençme shtazore, ndihmëse dhe besnike e urtë e njeriut.

Abdurahim Ashiku

Comments

comments

Share.

About Author

Abdurahim Ashiku

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.