Borell mbështet emërimin e Lajçak pavarësisht kundërshtimit të Prishtinës …

0

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, i ka reaguar presidentit të Kosovës, Hashim Thaçi, i cili ka kundërshtuar emërimin e Lajçakut si i dërguar special për dialogun Kosovë Serbi. Borrell e ka konfirmuar edhe njëherë se Lajçaku është diplomati i duhur për të udhëhequr dialogun Kosovë – Serbi.

Kreu i shtetit sot ka thënë se duke mos e emëruar Lajçakun në pozitën e emisarit për negociatat Kosovë-Serbi, Bashkimi Evropian do të përmirësonte edhe kredibilitetin edhe një herë sepse Sllovakia nuk e ka njohur Kosovën si shtet dhe ka votuar kundër Kosovës në UNESCO.

Ndërsa, Borrell i ka thënë reaguar Thaçit duke thënë se Mioslav Lajçak është një politikan i respektuar dhe një diplomat i cili gëzon besim të plotë nga Bashkimi Evropian.  

“Mioslav Lajçak është një politikan shumë i respektuar dhe një diplomat me eksperiencë që gëzon besim të plotë nga BE’ja”, shkruan Borrell.

Tutje, Borrell ka thënë se ai do të bëjë një punë të mirë në rifillimin e dialogut Beograd – Prishtinë.

“Jam i sigurt që ai do të bëjë një punë të shkëlqyer si i dërguar special i Bashkimit Evropian për të rifilluar dialogun Beograd – Prishtinë”, përfundon Borrell.

Presidenti i Republikës së Kosovës e ka vazhduar polemikën me Bashkimin Evropian rreth çështjes së emërimit të Miroslav Lajcak si emisar për dialogun Kosovë-Serbi.

Thaçi ka thënë se e mirëpret që BE’ja t’ia dëshmojë se është gabim rreth çështjes së emërimit të Lajçak si Përfaqësues Special për dialogun, derisa shton se mosemërimi i tij në atë post do të ishte në interes të Kosovës.

Kreu i shtetit ka thënë se duke mos e emëruar Lajçakun në pozitën e emisarit për negociatat Kosvoë-Serbi, Bashkimi Evropian do të përmirësonte edhe kredibilitetin.

Thaçi edhe një herë ka kujtuar se Sllovakia nuk e ka njohur Kosovën si shtet dhe votën kundër Kosovës në UNESCO.

“E mirëpres që BE-ja ta dëshmojë që jam gabim për emërimin e Lajçakut si i dërguar special për dialogun. Kjo do të ishte në interes të Kosovës dhe do ta përmirësonte kredibilitetin e BE-së. Argumenti im nuk lidhet me procedura të brendshme, por me gabimet strategjike. Sllovakia nuk e ka njohur Kosovën dhe ka votuar kundër nesh në UNESCO”, ka shkruar Thaçi.

Kreu i shtetit dje gjatë ditës kishte deklaruar se Miroslav Lajçak është i destinuar të dështojë në misionin e tij të ri si emisar për dialogun.

Megjithatë nga BE i kanë reaguar, duke i thënë se Lajçak ende nuk është emëruar si emisar.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.