Varka turke në Egje lëshon sinjalin SOS, po i gjenden 700 kg kanabis në bord ?

0

Një sasi prej më shumë se 700 kilogramësh kanabis janë sekuestruar në një varkë me vela mëngjesin e së premtes në brigjet e ishullit Nisiros në Egje.

Sipas rojes bregdetare greke, varka me vela ,e cila ka flamur turk, lëshoi një sinjal ndihme gjatë orëve të natës, 20 milje larg ishullit Nisiros.

Menjëherë në zonë u dërgua një anije patrulluese e rojes bregdetare si dhe një rimorkiator.

Gjatë kontrollit të kryer në varkë, rojet greke gjetën të paketuara sasinë prej 700 kilogramësh kanabis.

Menjëherë u arrestuan tre anëtarët e ekuipazhit. Për momentin ende nuk ka informacione për kombësine e tyre, apo për vendin se ku u ngarkua droga dhe destinacioni i lëndës narkotike.

Burime nga ishulli i Nisiros, i thanë Top Channel se paketimi i kanabisit tregon se lënda narkotike mund të jetë nga Shqipëria, por ende nuk janë marrë në pyetje të arrestuarit për të dhënë detaje lidhur me ngjarjen.

Kjo është sasia e dytë e madhe e drogës që kapet në Egje. Një muaj më parë, një shqiptar dhe një italian u arrestuan pasi në varkën e tyre, po transportonin 1815 kilogramë kanabis nga Shqipëria me destinacion ishullin e Mikonosit.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.