Referndum në Lombardi e Veneto për autonomi

0

12 milion italianë, 7.9 milionë banorë në Lombardi e 4 milion në Veneto janë thirrur të votojnë sot nga ora 7 deri në 23 të mbrëmjes mbi referendumin e autonomisë së këtyre dy rajoneve.

Pas disa muajsh fushatë elektorale, drejtuar nga forca e djathtë politike “Lidhja e Veriut” çdo zgjedhës me votën e tij duhet të shprehë nëse është ose jo në favor të negociatave me qeverinë italiane për t’i dhënë më shumë autonomi qeverisjes lokale në sektorin publik, në sektorin e financës, në sektorin e punës, në fushën e infrastrukturës, energjisë, mësimdhënies, mbrojtjes së ambientit, kulturës etj.

Nëse mbi 50 % e zgjedhësve do të votojnë në favor të këtij referendumi atëherë këto dy rajone do të nisin me shtetin italian rrugën e negociatave deri në miratimin e një ligji për dhënien e një statusi special “për forma e kushte të veçanta ta autonomisë” të rajoneve të Lombardisë e Venetos në përputhje me ligjin 116 të Kushtetutës italiane.

“Nga ana e qeverisë italaine, Ministri i Politikave Bujqësore e Pyjore ka shprehur shqetësimin e tij se rezultati i votës së këtij referendumi “mund të ketë një rrjedhë si në Katalonja”.

Por për Presidentin e Rajonit të Lombardisë Roberto Maroni “vota e këtij Referendumi nuk është kundër Kushtetutës siç ndodhi në Katalonja, por për Kushtetutën.“Lombardia, shprehet ai.

Është rajoni që derdh më shumë taksa në arkën e shtetit e meriton një autonomi fiskale në respekt të ligjeve të kushtetutës italiane.”

Në favor të këtij referendumi janë shprehur forcat politike të së djathtës italiane si dhe Lëvizjes 5 Yje, ndërsa mjaft skeptik është qëndrimi i Partisë “Fratelli d’Italia”, si dhe emrave të rëndësishëm të sipërmarrjes italiane në këto dy rajone si Bennetton, Marzotto, etj. Për herë të parë në këtë referendum do të aplikohet dhe votimi elektronik.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.