Në kërkim arkëtarja e OSHEE-së, nuk dorëzonte në bankë paratë

0

Përvetësoi 6.7 milionë lekë të reja nga pagesat e qytetarëve për energjinë elektrike dhe është larguar jashtë vendit.

Kjo është skema e thjeshtë që ka përdorur një prej arkëtarëve të Operatorit të Shpërndarjes së Energjisë Elektrike, në Tiranë, Merlina Kuçuke, e cila tanimë është shpallur në kërkim, ndërsa prokuroria e Tiranës ka nisur hetimet.

Ka qënë vetë drejtoria qendrore e OSHEE në Tiranë, ajo që dha alarmin për këtë vjedhje, duke e denoncuar rastin edhe në polici e më pas në Prokurori. Nga verifikimet e kryera nga vetë OSHEE, arketarja Kuçuke, e cila punonte në njësinë e Kujdesit nga Klientit pranë kryqëzimit të 21 dhjetorit, për disa ditë nuk ka derdhur në bankë shumat e arkëtuara nga pagesat e faturave të energjisë elektrike.

Arkëtarja shkonte në bankë së bashku me punonjësin e sigurisë, e ndërsa ky i fundit qëndronte tek dera e bankës, arkëtarja futej brenda por nuk dorëzonte paratë dhe dilte sërish me shumën e lekëve që kishte arkëtuar nga pagesat e faturave.

Ky veprim mund të jetë bërë disa herë, derisa u konstatua, por ndërkohë arkëtarja Merlina Kuçuke, ishte larguar jashtë vendit së bashku me shumën prej 6.7 milionë lekë të reja. Përveç arkëtares e cila është denoncuar, drejtuesit e OSHEE, kanë shkarkuar nga detyra 2 specialistë të cilët duhej të mbikqyrnin çdo ditë veprimet e arkëtares dhe derdhjet fizike të parave në bankë, si dhe një drejtoreshë që kishte nën varësi të drejtëpërdrejtë arkëtaren tashmë të shpallur në kërkim.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.