Haliti : Nuk kemi qenë në dijeni për ndonjë marrëveshjeje paraprake për murin në Mitrovicë

0

Nënkryetari i Kuvendit të Kosovës, Xhavit Haliti, thotë se nuk ka qenë në dijeni të ndonjë marrëveshjeje paraprake bilaterale për murin në Mitrovicë

Në një deklarim për emisionin ‘Alo Mirëmëngjesi’ të Radio Dukagjinit, Haliti ka thënë se nuk e beson të ketë qenë në dijeni për këtë as ndonjë deputet tjetër.

“As tani nuk jam i sigurt. Nuk e di se si është marrëveshja. Nuk e besoj se e ka ditur asnjë deputet atë detaj. Sidoqoftë ato janë marrëveshje. Nëse janë marrëveshje, ato i kanë nënshkru”,tha Haliti.

Duke folur në cilësinë e njeriut numër dy të Kuvendit të Kosovës, Haliti ka ftuar zërat e ndryshëm të shoqërisë dhe organizatave që kanë dalë me qëndrime rreth murit, që t’u besojnë institucioneve të Republikës së Kosovës, Presidentit, Qeverisë dhe Kuvendit, në tejkalimin e kësaj çështjeje deri tek zgjidhja në rrugë zyrtare.

“Në qoftë se ka pasur një marrëveshje dhe nuk prishet ajo marrëveshje, atëherë gjithçka është në rregull. Të dy plaët kur bien dakord në Bruksel, atëherë ato janë marrëveshje ndërkombëtare dhe nuk është lehtë sot të thuash po, e nesër jo”, ka thënë Haliti, për Radio Dukagjinin.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.