FSHF ndryshon logot e kampionateve

0

Federata Shqiptare e Futbollit ka prezantuar logot e reja të Futbollit Shqiptar. Konkretisht, pajisen me një logo të të re edhe Kategoria e Parë, Kategoria e Dytë dhe Kategoria e Tretë.

Ky hap ka qenë i planifikuar që në momentin e parë të rinovimit të imazhit të FSHF-së, me një brand të ri i cili më tej i dha jetë edhe Kategorisë Superiore dhe Kupës së Shqipërisë.

Strategjia e FSHF-së për të ofruar një imazh të koordinuar dhe të integruar, të kuruar në çdo detaj ishte ajo e një “Brand Umbrella” e cila garanton në këtë drejtim koherencë dhe ngjashmëri në të gjitha simbolet e futbollit shqiptar.

kategoria pare

Kategoria e Parë

Në logon e Kategorisë së Parë paraqitet një lidhje e fortë e elementeve kombëtare atyre të futbollit, njësoj si në logon e FSHF-se dhe atë të Superiores. Ajo përbëhet nga një mburojë me sfond të kuq dhe kontur të zi në respekt të ngjyrave tona kombëtare, në të cilën gjenden elmentët e një topi futbolli të stilizuar në lëvizje, për të dhenë një imazh dinamik. Topi është i “dekoruar” me krahët e Shqiponjës në ngjyrë të zezë dhe më poshtë gjendet emërtimi “Kategoria e Parë” dhe akronimi i FSHF-së

kategoria dyte

Kategoria e Dytë

Në logon e Kategorisë së Dytë janë ruajtur elementet stilistikë të logove dhe brand-eve që i kanë paraprirë por e gjitha paraqitet në një mënyrë më të rifreskuar dhe rinovuar në detaje dhe mënyre përpunimi të elementeve. Kështu, mburoja paraqitet me këndet e rrumbullakosura dhe me linja më të buta, kombinimi i ngjyrave i hap rrugën një sfondi gjysmë të kuq dhe gjysmë të bardhë dhe vijëzimi bardhë e zi bëhet ku dominant ne gjysmën e poshtme të logos. Emërtimi “KATEGORIA E DYTË” (me germa kapitale) është gjithashtu dominant në gjysmën e sipërme të logos ku mbi të gjejmë sërish akronimin e FSHF-së, të shoqëruar me dy yje.

kategoria trete

Kategoria e Tretë

Në logon e Kategorisë së Tretë gjejmë më të qartë dhe më të plotë një lloj “lehtësimi” dhe rifreskimi të elementëve. Pavarësisht se janë ruajtur elementet stilistikë të logove dhe brand-eve që i kanë paraprirë, kombinimi është një rezultat mjaft i këndshëm dhe “autonom” megjithëse besnik në identitet.

Mburoja është më e ngjashme me mburojën e logos së FSHF-së, sfondi është i bardhë për ta bërë më të lirë vendosjen e elementeve të përfshirë. Konturi i mburojës është i kuq, ku topi paraqitet dominant në logo, me përpunimin bardhë e zi. Ngjyra e zezë e topit na rikthen sërish kombinimin Kuq e Zi.

Emërtimi “KATEGORIA E TRETË” (me gërma kapitale) është gjithashtu dominant në pjesën e poshtme të logos, të vendosura në një “shirit” që i mbivendoset topit dhe mburojës. Poshtë shiritit gjenden tre yje, element edhe ky simbolizues i Kategorisë së Tretë.

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.