F1, Verstappen me Red Bull, duke regjistruar fitoren e tij të dytë në karrierë

0

Kur pritej dueli Ferrari-Mercedes, në garën e Malajzisë fiton Max Verstappen me Red Bull, duke regjistruar fitoren e tij të dytë në karrierë, por që në këtë sezon i jep shansin të festojë në mënyrën më të mirë të mundshme 20-vjetorin e lindjes.

Surprizat jo të mira për Ferrarin rishfaqen në start, kur Kimi Raikkonen nuk niset, ndërkohë që Ferrari tjetër i Sebastian Vettel ndodhej në fund. Një pistë krejtësisht e lirë për Lewis Hamilton në dukje, por makinat Red Bull pas tij ishin në një ditë shumë të mirë. Verstappen e parakalon shumë shpejtë liderin e Botërorit, duke e udhëhequr garën deri në fund i pashqetësuar, ndërkohë që nga prapavija Vettel dhuron spektakël duke parakaluar shumë shpejt këdo kishte përpara dhe në gjysmën e garës e gjen veten në vendin e katërt.

“Kokëkuqja” dhe piloti i tyre gjerman për pak menduan të arrinin edhe podiumin në një duel që zgjati disa xhiro me Daniel Ricardon e vendit të tretë, por gjithçka u bë e pamundur pasi gomat e Ferrarit çeduan dhe detyruan Sebastian Vettelin që të kënaqej me vendin e katërt, që i zbeh dukshëm shanset për titullin kampion.

Dhe megjtihatë, si për të mbyllur këtë fundjavë të zezë, makina Ferrari me numrin 5 as nuk mundi të shkojë vetë në bokse në fundin e garës, pasi Vettel u godit nga Lance Stroll në xhiron e përshëndetjes.

Gara e radhës e Formula 1 do të jetë Çmimi i Madh i Japonisë, pas vetëm një jave.

Ferrari ka vendosur pjesë të reja në motorin e njëvendëshes së Sebastian Vettel pas problemeve me motorin që gjermani pati në provat zyrtare.

Mekanikët e skuderisë italiane zëvendësuan motorin në provat e treta të lira, por një problem me turbon bëri që Vettel të mos zhvillonte asnjë xhiro në provat zyrtare. Analizat e motorit treguan se problemi qëndronte te skapamentoja. Ky problem e kapi në befasi Ferrarin, pasi motori kishte punuar pa problem në Maranello.

Duke qenë se Vettel do të nisej nga vendi i fundit, Ferrari shfrytëzoi mundësinë për të vendosur pjesë të reja në motor, pasi penalizimet për diçka të tillë nuk do të ndikonin gjithsesi në pozicionin e gjermanit.

 

Comments

comments

Share.

About Author

Avatar

Leave A Reply

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.